You are seeing this because you have not yet updated your iBlog. Click on settings to edit...
Uthando Lwegazi - Ch7
11 years ago | 8418 Views
Kwasa angazange abuthi quthu ubuthongo uMelusi ngenxayemicabango.Yayi xubene ekhanda okwaxhakela esivande.Ebasathe uhlanganisa lokhu nalokhuya lutho ukuhlangana waze wanquma ukuthi avuke ahlale ngoba nje nalezizingubo ungathi zimbangela isidina.Wamangala uThobile ukuthi umyeni wakhe ngasengenwe yini.Wasebuza wathi "Aw baba,yini inkinga,udliwa yini bandla?"
"Wena Thobile sewungu ma wami manje wena heee!Kukangaki ngikutshela ngithi bheka indaba zakho ungiyeke phansi mina." kubhavuma ewuMelusi ngolaka.Athi uThoe "Cha baba,ngiyazi ukuthi angiyena unyoko,kodwa ngingunina wezingane zakho.Ingabe ngonephi mangibuza ngokunga phatheki kahle kwakho.?"
"Ubuza ngoba ungazi noma uphethwe ukusa nje wena.Lalela la ukusuka namuhla ungakuphinde ungibuze ngiyaphi,ngibuyaphi noma ngiphethwe yini ungizwa mfazi ndini?"Waliphamisa izwi uMelusi.Wavele wabona kungcono ukuthi azidlele ushutup uThobile phela kwakubonwa nayimpumputhe ukuthi na engasethi uyavula owakhe umlomo engahlangana nenkunzimalanga yempama ivakashela ebusweni bakhe.
Kwakunzima kuThobile nakhu phela indoda yakhe isivuke umbhejazana.Isimthathisa okwenapukeni.Akaseyinto yalutho.Waka wahlala phansi uThobile enganakwenza lutho zehla izinyembezi.Lapho ecabanga indoda yakhe lesiphenduke injebomvu.Yajika yayibhubesi kanyi beyiyimvu.Acabange aze aphimisele uThobile athi "kungabe mhlampe kukhona la engona khona.Awu Jehova sebawothi kodwa akasho ngani pho.Awemame minakababa ingabe ngamenzani uMelusi." Maqede washaya esikaNandi isililo uThobile.Waze wethuswa ukungqongqoza emnyango kwazise uMelusi kwasekukade adliwa umnyama."Makhi,makhi ingabe konke kuhamba kahle yini." Ngowesifazane osemnyango loyo.
Wasukuma wazesula izinyembezi uThobile waseyavula isigcabha."Aw makhi unjani?" kubingelela uThobile eziqinisa."Ngiphilile mfazi,unjani wena?" NguMaKhumalo umakhelwane wakaThobile no Melusi loyo engena.Amkhombe isihlalo uThobile.Ahlale okaMtungwa athi ma sekahleli athi"Thobile akungitshele mtakaNcube udliwa yini?" Amamatheke uThobile athe athi "Aw makhi lutho bandla.ukubabekukho okubi bengizokutshela."
"Thobile angiyona ingane,umakade bona nje mina musa ukungenza isithutha esathuthela la esathutha khona.Kudala ngikwazi nje awusenguye uThoe engimaziyo.Sewuhlala ubiphile,unciphile nasemzimbeni ungathi udliwa lidlozi.Cha mhlampe ngigxangukela kwezingafuni mina kodwa awukwazi ukufihla izimpondo esakeni.Ngitshele ntombi mhlampe ngingelekela." washo okaKhumalo ebamba uthobile amahlombe,embuka ngqo emehlweni.Wathi ethi uyaphendula okaMzilankatha zavele zawumfula izinyembezi zampompoza."Aw nkosiyami Thoe hlisa umoya ukhulume ntombi"Washo emupha ingilazi yamanzi yize kwakusekuseni.Emva kokuphuza amanzi uThobile wathi "Mina angisazi ngenzeni,cha makhi angisazi mgempela."
"Khuluma sisi ungesabi."NguMaKhumalo loyo.................
by Nxayezwe Wayne Ndlovu
0
Tags: UTHANDO,LWEGAZI
Comments
What iBlog
-
Thorny Tap - (Short Story)
Posted: 2013 June 16 | 13679 Views -
Uthando Lwegazi Ch14
Posted: 2013 June 16 | 10357 Views -
Uthando Lwegazi Ch13
Posted: 2013 June 16 | 8393 Views -
Uthando Lwegazi Ch12
Posted: 2013 June 10 | 34256 Views -
Uthando Lwegazi Ch11
Posted: 2013 June 10 | 7333 Views -
Follow Your Heart
Posted: 2013 June 09 | 4793 Views -
Uthando Lwegazi - Ch10
Posted: 2013 June 09 | 9895 Views -
Uthando Lwegazi - Ch9
Posted: 2013 June 09 | 6368 Views -
Uthando Lwegazi - Ch8
Posted: 2013 June 09 | 13505 Views -
Uthando Lwegazi - Ch7
Posted: 2013 June 09 | 8418 Views -
Uthando Lwegazi - Ch6
Posted: 2013 June 09 | 11000 Views -
HEE! NTOMBIYAMI
Posted: 2013 June 09 | 8178 Views -
Uthando Lwegazi - Ch5
Posted: 2013 June 06 | 20553 Views -
Uthando Lwegazi - Ch4
Posted: 2013 June 06 | 11896 Views -
Iphutha Lami
Posted: 2013 June 06 | 6595 Views -
UTHANDO LWEGAZI - Ch3
Posted: 2013 June 06 | 17257 Views -
UTHANDO LWEGAZI - Ch2
Posted: 2013 June 06 | 9400 Views -
UTHANDO LWEGAZI - Ch1
Posted: 2013 June 06 | 7778 Views